Семей медицина университетінің студенттері, лицей түлектері Қанағатов Аңсаған және Аскаров Амирлан келіп, 11-сынып оқушыларына ақпарат берді.

«Оралхан Бөкей атындағы №44 лицей» КММ
Лицейімізге кәсіптік бағыт-бағдар жұмысын жүргізу мақсатында қазіргі уақытта Семей медицина университетінің студенттері, лицей түлектері Қанағатов Аңсаған Серікұлы және Аскаров Амирлан Болатович келіп,11-сынып оқушыларына университет туралы ақпараттар берді. Университет туралы ақпараттар бермей тұрып, туберкулез ауруы туралы, оның белгілері жайлы мәліметтермен таныстырды. Студенттер медицинада оқудың қиыншылықтары , дәрігер болу аса бір жауапты мамандық екені туралы айтты. Медицина университетіндегі бакалавриаттың білім беру бағдарламалары: Мейірбике ісі, фармацевт, жалпы медицина, педиатрия, тіс дәрігері, қоғамдық денсаулық. Одан кейін интернатура – резидентура – магистратура – докторантура арқылы білімдерін жалғастырады.
Студенттер 11-сынып оқушыларына жақсы балл алу үшін бәрі өз қолдарында екенін, ҰБТ алдында уайымға салынбауды, өздеріне сенімді болу керектігін айтып, жақсы көңіл-күй сыйлады. Медицина саласын таңдаған оқушыларымыз қажетті ақпараттар алды деген ойдамыз.


Директордың оқу ісі жөніндегі орынбасары: Садыкова.Н.А
Кәсіптік бағдар жұмысын ұйымдастырушы: Маратбекова Ж.М