Түлектермен сырласу: Болашаққа бастар жол ✨ Бүгін лицейімізде ерекше тебіреніске толы, жылы кездесу өтті. Лицей директоры Жаңыл Қайырбекқызы мектеп б

Түлектермен сырласу: Болашаққа бастар жол ✨

Бүгін лицейімізде ерекше тебіреніске толы, жылы кездесу өтті. Лицей директоры Жаңыл Қайырбекқызы мектеп бітіруші түлектермен еркін форматта жүздесіп, жүрекжарды лебізін білдірді.
☕️ Шай үстіндегі әңгіме: Жайлы форматта өткен кездесуде оқушылар алдағы жоспарларымен бөлісіп, мектептегі қызықты сәттерін еске алды. Жаңыл Қайырбекқызы әр түлекке арнап дайындаған ақ тілек хаты мен шағын сыйлығын табыстап, олардың үлкен өмірге нық қадам басуына бағыт-бағдар берді.
✉️ Болашаққа хат: Кездесудің ең әсерлі сәті — түлектердің өздеріне, яғни 5-10 жылдан кейінгі тұлғалық бейнесіне хат жазуы болды. Арман-тілектер жазылған бұл хаттар арнайы қорапқа салынып, уақыт капсуласы ретінде сақталды.
🍬 Түлектер де құр қол келмей, өздерінің тәтті тілектері мен алғыстарын жеткізіп, мектеп әкімшілігіне шынайы ризашылықтарын білдірді.
Бұл күн — балалық шақпен қоштасудың емес, үлкен армандарға жол ашудың бастауы. Жолдарың болсын, жас түлек!
#Түлек2026 #ЛицейТынысы