10
октябрь
2019
«Тілге құрмет – елге құрмет»
2019 жылдың 20 қыркүйегінде «Оралхан Бөкей атындағы №44 лицейі» КММ Қазақстан халқының тілдер күні мерекесіне орай «Тілге құрмет – елге құрмет» атты шығармашылық айлықтың салтанатты ашылуы өткізілді
Аталған шараның негізгі мақсаты – оқушылардың тілге деген құрметін қалыптастыру, «Үш тұғырлы тіл» идеясына сәйкес, көп тілді меңгере отырып, өз ана тіліне деген құрметі мен құндылықтарына баулу, тіл үйренуді, ана тілінде сөйлеуді насихаттау. Елін, Отанын сүйетін ұлтжанды, жаны таза, адамгершілігі мол, өз ойларын анық жеткізе алатын ел келешегі зор жастарды тәрбиелеу.
Шара барысында оқушылар елімізде тұрып жатқан ұлттардың бір шаңырақтың астында тату-тәтті өмір сүру идеясын насихаттау бағытында қазақ, орыс, түрік, өзбек, корей, тау ұлттарының ұлттық киімін киіп, таңдалған ұлтқа тән салт-дәстүрдің бір элементін көрсетті. Сонымен қатар қазақ халқының қонақжайлылығын, адамдарды тіліне, дініне, ұлтына бөліп- жармай, достық, ықылас көрсетіп қарсы алу халқымыздың бойына сіңгендігін дәріптеу мақсатында шағын көрініс қойылды.
Кеш соңы «Қазағым-ай» әнімен аяқталып, тіл достықтың дәнекері екендігін паш етті.
Тілдер мерекесі – 2019
Бірлігі жарасқан көп ұлтты Қазақстан