09.09.2017ж "Денсаулық куні" атап өтілді.

Оралхан Бөкей атындағы№44 лицейде «Денсаулық күні» аясында іс-шара ұйымдастырылып өткізілді. Іс-шараның өтуіне мектеп ұжымы түгелдей ат салысты. Мерекелік шара салтанатты жиыннан басталып, мектеп әкімшілігі «Денсаулық күніне» қатысушыларға жылы лебіздерін білдірді.

Бүлдіршіндер спорт жайлы өлеңдерін оқып, ән салып, би билеп, спорттық жарыстармен ұласты. Бастауыш сыныптарда «Көңілді старт» жарысы өтті. Жарысқа  кішкентай бүлдіршіндер сынып жетекшілерімен қатысып, өздерінің күштерімен сынасып, жылдамдықтарын көрсетті. Орта буын сыныптары мен мұғалімдер  волейбол мен шағын футболдан жарысқа түсіп, командалардың бірлігін таныта отырып, тек қана алға ұмтылуға қадам жасады. Жоғары сынып оқушылары үстел тенисінен жарысқа түсті. Оқушылар қандай жарыс болсын өздерінің ептіліктерін, күштіліктерін, жылдамдылықтарымен бірге бірлік татулықтарын таныта білді. Жалпы «Денсаулық күні » қызықты өтті. Жеңіске жеткен оқушылар сыйлықтармен марапатталды.