18 сәуір күні лицейімізде “Бала мен ана” орталығының дәрігер маманы Қасымханова Лиза Теңізбайқызы келіп, 9–11 сынып қыздарымен кездесу өткізді.

«Оралхан Бөкей атындағы №44 лицейі» КММ



Кездесу барысында жасөспірімдер денсаулығы, қыз балалардың физиологиялық даму кезеңдері, жеке бас гигиенасы, репродуктивті денсаулық және түрлі алдын алу шаралары туралы жан-жақты ақпарат берілді.

Оқушылар маманға өздерін қызықтырған сауалдарын қойып, ашық форматта пікір алмасты. Дәрігер өз тәжірибесіне сүйене отырып, пайдалы кеңестерімен бөлісті және жасөспірімдерге денсаулығына жауапкершілікпен қараудың маңызын атап өтті.

Мұндай кездесулер – оқушылардың сауатты, саналы және салауатты өмір сүру дағдыларын қалыптастыруда үлкен рөл атқарады. Алдағы уақытта да осы бағыттағы танымдық шаралар өз жалғасын табады.

#birtutas_tarbie