Лицейімізде қалалық білім бөлімінің жоспары негізінде Ұлыстың ұлы күні– Наурыз мерекесін атап өтуге арналған іс-шаралар басталып кетті.

"Оралхан Бөкей атындағы №44 лицейі" КММ

Жоспарға сәйкес 15 наурыз – «Қайырымдылық» күні болып жарияланды. Осы атаулы мереке қарсаңында Оралхан Бөкей атындағы №44 лицейінің директоры Жаңыл Қайырбекқызы бастаған ұстаздар мен оқушылар тобы «Малютка» балалар үйіне барды. Лицейдің жас өнерпаздары кішкентай көрермендерге мерекелік ән-шашуларын арнап, балақайларды қуанышқа бөледі. «Малютка» балалар үйінің директоры лицей оқушылары мен ұжымына алғыс білдірді. Мереке соңында кішкентай бүлдіршіндерге ойыншықтар таратылды. Сонымен қатар киім-кешектер, қажетті заттар мен дәрі-дәрмек табысталды.
Осындай игі істі жүзеге асыруға көмек көрсеткен лицейдің ата-аналарына, ұстаздарға, оқушыларына лицей әкімшілігі ризашылығын білдіреді.
Жақсылық жасап жарысайық!
ДТІМ: Мухажанова М.А., Князбаева М.Б.