«Оралхан Бөкей атындағы №44 лицейі»КММ

11 қаңтар 2022 жыл. Ел президенті Қасым-Жомарт Тоқаев Парламент Мәжілісінің отырысына қатысып, еліміздің жаңа Премьер-министрінің кандидатурасын ұсынған болатын. Бұл тікелей эфирді біздің ұжымымымыз түгелдей тыңдап, елімізде болып жатқан жаңалықтардан хабардар болдық. Ел басына күн туған қиын жағдайда бүтіндей бір мемлекетті сақтап қалған президентіміздің барлық бастамасын ұстаздар қауымы бірауыздан қолдайтындығын айтқымыз келеді. ҚР Президенті Қ.К. Тоқаев Мәжіліс отырысы кезінде сөйлеген сөзінде: «Ұлы Ахмет Байтұрсынұлы айтқандай, «Мұғалім – мектептің жүрегі» дей келе ел болашағының дамуына ұстаздардың қосар үлесі зор екеніне назар аударды. Мықты, білікті ұстаздарға жан-жақты қолдау көрсетіп, педагог тапшылығын болдырмау үшін де тиісті жұмыстар жүргізілуі керектігін айтып өтті. Біз, ұстаздар қауымы, өз тарапымыздан президентіміздің батыл да нақты қадамдарына ризашылығымызды білдіре отырып, теңізге құйған тамшыдай болса да ел бейбітшілігі мен тәуелсіздігін сақтауға өз үлесімізді қосуға әрқашан дайынбыз. Ел басына түскен осындай сынақты қайыспай біртұтас ел болып еңсере білген барлық Қазақстан азаматтарына үлкен алғысымызды білдіреміз.