Біз біргеміз! Біздің күшіміз- бірлікте!

Шығыс Қазақстан облысы білім басқармасы
Өскемен қаласы бойынша білім бөлімінің
«Оралхан Бөкей атындағы № 44 лицейі» КММ

Табиғаттың әрбір маусымы ерекше болатыны сөзсіз. Әр маусымның өзіне тән қызығы мен тосын сыйлары, халықты әуре-сарсаңға салып қоятын кездері де болады. Ауа –райы мен Табиғат-Анамыздың сынақтарын болжау мүмкін емес... Бүгінгі күні еліміздің бірнеше өңірлерін су басып жатыр. «Апат айтып келмейді» - дегендей, дайын болмаған халық үй жайсыз, киім-кешексіз қалды.
«Көп түкірсе көл болады» - дегендей, қазақ халқы қай заманда, қай уақытта болмасын қиын-қыстау кездерде бір жағадан бас, бір жеңнен қол шығарып, бірлік-ынтымақтастығымен ерекшеленген. 2024 жылдың 10 сәуір күні Шығыс Қазақстан облысынан Солтүстік Қазақстан облысының тұрғындарына 14 тонна салмақты құрайтын гуманитарлық көмек жіберілді. Лицейіміздің жас волентерлері белсенділік танытып, заттарды тиескенге өзіндік үлестерін қосты. Халықтың ризашылығын алған жас өрендерімізге ақсақалдар ақ батасын берді. Біз біргеміз! Біздің күшіміз- бірлікте!

Ұйымдастырғандар: ТІМ Құйқалақова Қ.Ә, Мухажанова М.А.,
Мұғалімдер: Баатарбек М., Айтқожин Қ.Б.