5 қыркүйек - Қазақстан халықтарының тілдері күні мерекесі.

«Оралхан Бөкей атындағы №44 лицейі» КММ

5 қыркүйек - Қазақстан халықтарының тілдері күні мерекесі. Сондай-ақ бұл күн «Ұлттың сақталуына да, жоғалуына да себеп болатын нәрсенің қуаттысы – тіл» деген ұлағатты сөздің авторы, қазақ халқының тағдыры мен тілі үшін күрескен Алаш арысы, ұлт ұстазы Ахмет Байтұрсынұлының да дүние есігін ашқан күні. Осы айтулы күнге орай лицейіміздің қазақ тілі мен әдебиеті пәні ұстаздары 5-11 сыныптарда тіл мерекесі жайында сөз қозғап, Ахмет Байтұрсынұлының өмірбаяны мен шығармашылық жолына шолу жасады. Ұстаздар мен оқушылар Ахмет Байтұрсынұлының ақындық ғұмырын, туған халқы үшін жасаған игілікті істерін, мән-мағынаға толы шығармаларының мазмұнын қысқаша баяндады. Қазақ әліпбиінің негізін салған ұлы тұлғаны ұмытпай, ұлттық тілді ұлықтай білейік!