«Оралхан Бөкей атындағы №44 лицейі» КММ "Мектепке кітап сыйла"
Оралхан Бөкей атындағы №44 лицей кітапханашылары қысқы демалыс кезеңінде ұйымдастырылған «Мектепке кітап сыйла» бірыңғай күніне белсенді түрде қатысып, үлестерін қосты.
Қайырымдылық акция кезінде лицей кітапханасы 10 кітаппен толықтырылды. Акция жалғасуда.
Өткізілген акция 4 форматтан тұрады:
№ 1 Формат: лицей оқушылары өздері оқыған кітаптарының мазмұнынан сыр шерте отырып, "Біз оқыдық,сіз де оқыңыз" ұстанымын жалғап лицейдің кітапхана қорын өз кітаптарымен толықтырды.
№ 2 Формат: Лицейішілік ата-аналар комитетінің төрайымы, 8Б сынып ата-анасы Темірханова Нүрия Сейтбекқызы буккроссинг бұрышын өзі оқыған тағылымы мол "Қош бол, қиындық" атты кітаппен толықтырып, жалпы кітап мазмұны жайлы ой бөлісті. Сондай - ақ аталмыш бұрыштан әлі оқымаған өзі ұнатқан кітабын алды.
Буккроссинг бұрышында кітапқа аннотациялары бар көрме ұйымдастырылды және де кітаптың не үшін ұнағаны және оқуға ұсынылатындығы туралы жеке сипаттамалары ұсынылды.
№ 3 Формат: 1 сынып оқушылары мен ата-аналары «Кітап өсу» акциясына қатысып, оқыған қызықты кітаптарына жүрекжарды тілектерін жазып, лицейіміздің кітапхана қорына тарту етті.
№ 4 Формат: 2020-2021 оқу жылында лицейімізді бітіруші түлектер «Мектеп кітапханасына кітап сыйла» атты қайырымдылық акциясына қатысып, өздерінің соңынан ерген іні-қарындастарына ізгі тілектері жазылған әдеби кітаптарды лицей кітапханасына сыйға тартты.
11 Ж – сынып оқушысы Мырзахан Айтөре
11 М – сынып оқушысы Қыдырханова Салтанат
Лицей кітапханашылары: Омарханова Б.Ж. , Нұқсарина Е.А.