📍 25.02.2026ж «Оралхан Бөкей атындағы №44 лицейі» базасында МИФ пәндері бойынша «11-сынып оқушыларын қорытынды аттестаттауға және ҰБТ-ға дайындау» а

Семинарды ШҚО ББ Өскемен қаласы бойынша білім бөлімінің әдістемелік кабинет меңгерушісі Капчикова Нургуль Тлеубековна ашып, қатысушыларды бүгінгі күннің негізгі міндеттерімен таныстырды.
Семинар барысында білім беру саласындағы өзекті мәселелер мен тиімді әдіс-тәсілдер бірнеше бағыт бойынша талқыланды. Қатысушыларға «Эмоционалды интеллект және стрессті басқару» тақырыбында практикалық кеңестер берілді.
ҰБТ-2026 форматындағы негізгі өзгерістерге талдау жасалып, дайындық жұмыстарының нақты алгоритмдері ұсынылды.
Семинардың практикалық бөлімінде математика, информатика, физика пәндері бойынша секциялық жұмыстар ұйымдастырылды. Қатысушылар ҰБТ-ға дайындық кезіндегі күрделі тақырыптарды түсіндірудің шеберлік сыныптарына қатысып, әдістемелік қорларын жаңаша идеялармен толықтырды.
🌈 Семинардың ерекше нүктесі: Шара соңында арт-терапия сессиясы ұйымдастырылды. Бұл бөлім мұғалімдердің кәсіби шаршауын басуға, шығармашылық энергиясын жаңартуға және эмоционалдық жеңілдік алуға мүмкіндік берді.
Қалалық семинар жоғары деңгейде ұйымдастырылды. Барлық іс- тәжірибе бөліскен ұстаздарға алғыс білдіреміз!
📌 Бірлескен жұмыс — сапалы білім мен жоғары нәтиженің кепілі!