6-сыныптардың ұйымдастыруымен "Ынтымақ пен береке, көрісу күні-мереке" атты театрландырылған әдеби-музыкалық кеш өтті.

"Оралхан Бөкей атындағы №44 лицейі " КММ

13.03.2023ж күні сынып жетекшілердің онкүндігі аясында және Наурыз мерекесіне орай 6-сыныптардың ұйымдастыруымен
"Ынтымақ пен береке,
Көрісу күні-мереке" атты театрландырылған әдеби-музыкалық кеш өтті.
Шараның мақсаты: Наурыз мерекесі туралы білімдерін молайту, Көрісу күнінің маңыздылығын танытып, ұлттық салт-дәстүр мен ұлттық өнерді насихаттау, оқушыларға ұлттық тәрбие беру.
Кеш барысында Көрісу мерекесінде орындалатын жөн-жоралғылар жасалды, қонақ ретінде шақырылған ата-әжелер балаларға бата-тілектерін арнады. Сонымен қатар ән айтылып, би биленді, ұлттық ойындар ойнатылып, ақындар айтысы өтті. Кешке қатысқан қонақтар арасынан директордың тәрбие ісі жөніндегі орынбасары Құралай Әділбековна сөз алып, кештің соншалықты әсерлі болғанын айтып, ата-әжелерге алғыс білдіріп, зор денсаулық тіледі және кешті ұйымдастыруға мұрындық болған 6-сыныптың сынып жетекшілері мен оқушыларына рахмет айтты.
Кеш танымдық тұрғыда да, шығармашылық жағынан да өте әсерлі, пайдалы болды.