15
февраль
2020
Пікірталас «Абай Құнанбайұлының қара сөздерін пән ретінде енгізу қажет пе?»
Мақсаты: Абай Құнанбайұлының дүниетанымын және шығармашылық мұрасын кеңінен насихаттау.
Абай Құнанбайұлының 175 жылдық мерейтойына орай «Абай Құнанбайұлының қара сөздерін пән ретінде енгізу қажет пе?» атты тақырыпта лицей мұғалімдері арасында пікірталас ұйымдастырылды.
Ойын барысында екі жақ топтар қарарға сәйкес екі түрлі позиция ұстанып, ойларын ортаға салды. Алдымен бірінші позицияны жақтаушы топтың спикері сөз сөйлеп, топ пікірін белгіленген уақыт аумағында келтіріп, оны түсіндірді, дәлелдеді. Оның сөзінен кейін екінші пікірдегі даттаушылар сұрақтар қоя отырып, спикер берілген сұрақтарға жауап берді. Келесі кезек қарсы көзқарас ұстанған жаққа беріліп, оның өкілі бірінші жақтың позициясының кемшіліктері мен олқылықтарына тоқталып, олардың көтерген проблемасы бойынша басқа шешім ұсынып, қарсыластарына тағы да сұрақтар қойды. Бірінші көзқарасты ұстанушылар өз позициясын нақтылай түсіп, сұрақтарға жауап бере білді.
