Абдихадир Сафинұр Облыстық «Шығыс Бұрымдысы» байқауына қатысып 2 жүлделі орынға ие болды.

“Оралхан Бөкей атындағы №44 лицеі” КММ
7 «Б» сынып оқушысы Абдихадир Сафинұр Облыстық «Шығыс Бұрымдысы» байқауына қатысып 2 жүлделі орынға ие болды.
Қазақ қызының қасиетін айшықтап, ұмыт болуға айналған ұлттық төл мәдениетіміз бен өнерімізді қайта тірілтіп, салт-дәстүрді жаңғырту, әсіресе қыз балалардың жан дүниесіндегі көркемдік талғамын қалыптастыру арқылы әділеттікке, инабаттылыққа, болмысын ізеттілікке тәрбиелеу мақсатында 6 наурыз күні Облыстық мәдениет басқармасымен Облыстық балалар және жасөспірімдер кітапханасының ұйымдастыруымен 8- 25 жасқа дейінгі бүлдіршіндер мен бойжеткендер аралығындағы «Шығыс бұрымдысы» байқау өтті. Сұлулар сайысында 20 жуық қатысушылар бақ сынады.
Байқау 4 кезеңнен тұрды. «Ақыл-ойдың кемелі» бөлімінде білімдерін ортаға салса, «Өнерлі өрге жүзер» шартында таланттарын көрерменге паш етіп, қыздар «Өздері және отбасы» туралы бейне слайдтар арқылы өздерін халыққа таныстырды. «Кім пысық,кім ісмер» бөлімінде нағыз шебер екендіктерін көрсете білсе, «Шаштарын бес күн тарап,он күн өрген» кезеңінде әдемі шаш үлгілерін ұлттық киімде дефиле көрсетті.
Байқау қорытындысы бойынша 12-15 жас аралығында бақ сынағандар арасынан Оралхан Бөкей атындағы №44 лицейінің 7 «Б» сынып оқушысы 2 орынды Абдихадир Сафинұр иленді. Жетекшісі: Мухажанова Мадина Адилхановна.
Демеушілік «Дети» сауда үйінің сыйлық сертификатымен марапатталды