"Оралхан Бөкей атындағы №44 лицейі" КММ Бүгін апталық жиын барысында 7А сыныбы кезекшілік нәтижелерімен бөлісіп, оқу тәртібі мен мектеп формасын сақ

"Оралхан Бөкей атындағы №44 лицейі" КММ

Бүгін апталық жиын барысында 7А сыныбы кезекшілік нәтижелерімен бөлісіп, оқу тәртібі мен мектеп формасын сақтау бойынша жүргізген жұмыстарын таныстырды. Кезекшілік барысында оқушыларға тәртіп ережелерін сақтау жөнінде ескертулер беріліп, жауапкершілік пен ұйымшылдықтың маңызы атап өтілді.

Жиында Біріккен Ұлттар Ұйымы қабылдаған Бала құқықтары туралы Конвенция жайлы ақпарат беріліп, әр баланың білім алуға, қауіпсіз ортада өсуіне, өз ойын ашық айтуға және қорғануға құқығы бар екені еске салынды. Сонымен қатар, құқықпен бірге міндеттің де қатар жүретіні түсіндірілді.
Жиын барысында лицей директоры жүлделі оқушыларды марапаттап құттықтады.

Жиын соңында оқушылардың тәртіп пен адамгершілік құндылықтарды ұстануы – баршамыздың ортақ міндетіміз екені атап өтілді.

Сынып жетекшісі: Төлегенова Ш.С.