"Бұрымды қыз" сайысына 3 "В" сыныбынан ақылына көркі сай, Айлин қызымыз қатысып өз бағын сынауда.

"Оралхан Бөкей атындағы №44 лицейі" КММ
"Ұқыпты оқушы образын қалыптастыру, жандандыру мақсатында лицейімізде өтіп жатқан
Ерте кезден ата-бабаларымыз қыз баланы қорғап, періштедей аялаған. Кішкентайынан әдептілік пен ибалылыққа тәрбиелеген. Қыз баланың қасиетін биіктетіп, сұлулықтың бастауына көтерілуіне жол ашқан.
Қазақ xалқының дүниетанымында бұрым — сұлулықтың белгісі. Әрбір қыз баласын белінен төгілген бұрымы мен ақылына қарап бағалаған.
_Білектей арқасында өрген бұрым,
Шолпысы сылдыр қағып, жүрсе ақырын.
Кәмшат бөрік, ақ тамақ, қара қасты,
Сұлу қыздың көріп пе ең мұндай түрін?_ — деп ұлы Абай атамыз жырлағандай, нәзік жандылардың «қаруы», сұлулығының көрінісі, иығынан төгілген қолаң шашы талай жыраудың жырына, ақынның өлеңіне арқау болғаны сөзсіз.
Әрине, «заманына қарай адамы». Алайда, осындай алмағайып заманда ата жолынан, ана дәстүрінен безінбей, болашақ ұрпаққа табыстауға болатын қолаң шаштың қадір-қасиетін жоғалтпау әрбір қазақ қызының парызы деп ойлаймыз.Айлин қызымызға сәттілік тілейміз! Сіздер де қолдайды деген сенімдеміз!
Сынып жетекшісі: Абилгазина Толкын Алтаевна.
#біртұтас_тәрбие#