«Менің Отаным-Қазақстан»тақырыбында бірыңғай тәрбие сағаты ұйымдастырылды.

«Оралхан Бөкей атындағы 44лицейі» КММ
Міне, жазғы демалыс аяқталып, оқушылар үшін жаңа оқу жылы басталды. Оқушыларымыз үш ай көлемінде демалып, сергіп, жаңа күшпен, жаңа серпінмен алтын ұя лицейлеріне оралды. Лицейге келген оқушылар үшін 1-сабақта Жоспарға сай 5-«Г» сыныбында да аталмыш тақырыпта тәрбие сағаты өтті. Тәрбие сағатының мақсаты-әрбір оқушы өзінің Отанына адал болу, шексіз сүю, елінің салт-дәстүрін, тарихын, тілін, дінін құрметтеу. Тәрбие сағаты ең алдымен танысу сәтінен басталды. Әр оқушы өзін таныстырған соң, сынып жетекшісі тілек жазылған тәттілерді ұсыну арқылы жағымды ахуал туғызды. Одан кейін мемлекеттік Әнұран орындалып, бейнефильм көрсетілді. Бейнефильм талданып, оқушылар өз көзқарастары мен пікірлерін білдірді. Презентация бойынша Қазақстан тарихы, мемлекеттік рәміздер, ұлттық валюта т.б. түрлі сұрақтар қойылып, оқушылар ынтамен жауап берді. Тәрбие сағаты өз мақсатына жетті. Оқушыларымызға сәттілік тілеп, табысты жыл болсын дегіміз келеді.
Сынып жетекшісі: Қ. Б. Шуленова.
#Bilim_quni