10 - «М» сыныбы 15 мамыр - халықаралық отбасы күніне орай «Отбасы бақыт мекені» тақырыбында «Бағым да, байлығым да отбасым» атты бейнеролик дайындады

«Оралхан Бөкей атындағы №44 лицейі» КММ
15.05.2023ж 10 - «М» сыныбы 15 мамыр - халықаралық отбасы күніне орай «Отбасы бақыт мекені» тақырыбында «Бағым да, байлығым да отбасым» атты бейнеролик дайындады. Бейнеролик арқылы оқушылар отбасының адам өміріндегі ең басты құндылық екеніне тағы бір мәрте көз жеткізді.
Отбасы - сыйластық пен жарастық орнаған кішкентай Отан. Отбасының тірегі - сүйіспеншілік, бірлік және сенім. Отбасы қиналғанда қайғыңмен, қуанғанда қуанышыңа ортақ болатын аяулы жандар. Сондықтан да отбасы - барша адамзатқа ең жақын, ең қасиетті ұғым.
Қазақ халқы отбасындағы тәрбиені ең бірінші орынға қойған. Ата – ана балаларына қандай тәрбие берсе, ертең ол бала өскенде сол тәрбие арқылы өмірдің жаңа баспалдақтарынан өтеді. «Ұяда не көрсең, ұшқанда соны ілерсің» деп қазақ халқы бекер айтпаған. Бала тәрбиесі ол дүниеге келген алғашқы күннен басталады. Ұлын ұлтжанды, қызын инабатты, сыпайы етіп өсіру ол әр ата – ананың міндеті болып табылады. Қорыта келе, Отбасы — жұртты жақындастырушы, ұрпақ пен ұрпақты табыстырушы, ұрпақаралық тұтастықтың отын жағушы ерекше ұя.
Сынып жетекшісі: Қ.Б.Шуленова