2022 жылдың 1 қыркүйек күні Оралхан Бөкей атындағы №44 лицейінде білім күніне арналған салтанатты жиын өткізілді

Шығыс Қазақстан облысы білім басқармасы Өскемен қаласы бойынша білім бөлімінің «Оралхан Бөкей атындағы №44 лицейі» КММ

Құрметті де, аяулы ұстаздар, ата-аналар, оқушылар! Арайлы жаздың үш айын мазмұнды да, мәнді өткізіп, сағынышпен алтын ұя мектебімізге оралып отырған лицейіміздің барлық оқушыларын жаңа оқу жылымен құттықтаймыз!
2022 жылдың 1 қыркүйек күні Оралхан Бөкей атындағы №44 лицейінде білім күніне арналған салтанатты жиын өткізілді. Мерекелік іс-шараға: қалалық маслихат депутаты, ШҚУ ректоры, профессор – Төлеген Мұхтар Әділбекұлы, Шығыс Қазақстан облысы білім басқармасы "Дарын" орталығы директорының орынбасары – Елемесова Гулжан Амировна, қалалық маслихат депутаты – Уразов Тимур Сансызбаевич, Қамқорлық кеңесінің төрайымы – Темірханова Нұрия Сейітпековна қатысып, қонақтарды, ұстаздар қауымын мерекелерімен құттықтады.
Салтанатты жиынымызда өнерлі оқушыларымыз қонақтарды ән-билерімен тәнті етсе, алғаш мектеп табалдырығын аттаған балауса балғындарымыз өлеңдерімен көпшіліктің алғысына бөленді.
Жаңа оқу жылы толағай табыстарға толы болсын!