Дамыту пәндері кафедрасының онкүндігі аясында қала мектептерінің 7-8 сынып оқушылары(ұлдар)арасында волейбол турнирі өткізілді.

2023 жылдың 1 сәуір күні Оралхан Бөкей атындағы N°44 лицейінде "Өнерлі, білімді жастар - Ұлтының тірегі" атты Дамыту пәндері кафедрасының онкүндігі аясында қала мектептерінің 7-8 сынып оқушылары (ұлдар) арасында волейбол турнирі өткізілді.
Турнирді өткізудегі негізгі мақсат:
1. Оқушыларды өз елінің патриоты болуды мақсат етуге талпындыру;
2. Оқушылар арасында волейбол ойынын, салауатты өмір салтын насихаттау;
3. Қала мектептерінің оқушылары арасында достық қарым-қатынасты нығайту.
Волейбол турнирі жоғары деңгейде ұйымдастырылып, өткізілді. Турнирге барлық командалар өте жақсы дайындықпен келген. Жарыстың қорытындысы бойынша:
1 орын - N°48 мектеп-қосымша білім беру орталығы командасы;
2 орын - Оралхан Бөкей атындағы N°44 лицей командасы;
3 орын - N°45 орта бейіндік мектеп командасы иеленді. Оқушылар дипломдармен, кубоктармен және әртүрлі номинациялармен марапатталды. Лицейіміздің командасынан 7Ж сынып оқушысы Байсары Санжар "Үздік үйлестіруші" номинациясымен, 8А сынып оқушысы Тураров Абылайхан "Үздік шабуылшы" номинациясымен, 8Ж сынып оқушысы Мухаметкарымов Рауан "Үздік қорғаушы" номинациясымен марапатталды. Лицейіміздің командасына сәттілік тілей отыра алдағы жарыстарда да биік белестерді бағындыра беруін тілейміз.