«Тарих. Тағылым. Тәуелсіздік» атты шығармашылық күндерінің ашылу салтанаты өтті.

«Оралхан Бөкей атындағы №44 лицей» КММ 2023 жылдың 13-23 ақпан күндері аралығында өтетін тарих және қоғамдық пәндер бірлестігінің «Тарих. Тағылым. Тәуелсіздік» атты шығармашылық күндерінің ашылу салтанаты өтті. Шығармашылық күндердің мақсаты: оқушыларға Қазақстанның өткені мен бүгінгі өмірін салыстыра отырып, өз еліміздің даму тарихын, ата-баба аманатына адал болуға , ерлігінен үлгі алуға үйретіп, Ұлы дала тарихын дәріптеу. Шығармашылық күндері түрлі ашық сабақтар, интеллектуалдық сайыстар, пікірталастар, мұражайға саяхаттар мен қызықты кездесулер өтеді. Апталықтың соңында тарих пәнінен ең білімді де белсенді оқушы анықталып оған «Үздік Жас тарихшы – 2023» номинациясы мен ақшалай сыйлығы табысталады. Сондықтан да барлық оқушыларды шығармашылық күндер аясында болатын іс-шараларға белсене қатысуға шақырамыз.