Өскемен қаласындағы Оралхан Бөкей атындағы 44 лицейдің 4 в сынып оқушысымын

Менің есімім Дәрия, мен Өскемен қаласындағы Оралхан Бөкей атындағы 44 лицейдің 4 в сынып оқушысымын. Лицейіміздің есімі жерлесіміз жазушы, драматург әрі журналист Оралхан Бөкейдің атында. Бүгін Оралхан Бөкейдің туған күні. Мен биылғы жаздық демалысымды отбасымызбен бірге жазушының туған жері Катон-Қарағай ауданында өткіздік. Сол тамаша күндердің бірінде анам ағам екеуімізді арнайы Шыңғыстай аулында орналасқан Оралхан Бөкейдің туған үйіне, қазіргі мұражай - үйіне алып барды. Ол жерде бізді мұражайшы апай қарсы алып, Оралхан Бөкей жайында көп әңгімелер айтып берді. Оралхан Бөкей таудың ортасында орналасқан, жап-жасыл шалғын шөбі жайқалған, ауасы таза, суы мөлдір керемет жерде дүниеге келген екен. Үйдің іші де аппақ, ауасы кең, тап-таза, жап-жарық. Жазушының өзі қолданған заттары және басқа да көптеген жәдігерлер бар екен. Барлығын көріп, тамашалап, Оралхан Бөкейдің отбасы жайында көп әңгімелер естідік. Жазушының өзі пайдаланған, барлық шығармаларын жазған қылқаламын қолыма ұстап, “Мен де Оралхан атамыздай мықты жазушы болсам” деген арман-тілекті тіледім. Жәдігерлердің ішінде жазушының анасы пайдаланған тігін машинкасы, келі-келісап, айна, тарақ сияқты басқа да тұрмыста пайдаланған барлық заттарын көрдім. Үйдің есік алдында жайқалып биік-биік қарағайлар өсіп тұр. Мен осы саяхатымнан үлкен әсер алдым және сол әсеріммен сыныптастарыммен бөлістім.